Vina

Vina (sanskrit) — torli-tirnama hind musiqa cholg’u asbobi. Tirnoqlar bilan yoki ko’rsatkich va o’rta barmoqlarga kiydirilgan noxunlar bilan chertib chalinadi. 20 ga yaqin turi mavjud. Eng mukammali — Sarasvati Vina Janubiy Hindistonda tarqalgan bo’lib, professional musiqa ijrochiligida keng qo’llaniladi. Unda 4 asosiy va 3 qo’shimcha (sadolanuvchi) tor, 19-24 surma parda bo’ladi. Tovushi mayin, serjilva, tembr ranglariga boy, musiqa imkoniyatlari keng.