“ANTEKS” OCHIQ TURDAGI AKTSIYADORLIK JAMIYATI

“ANTEKS” OCHIQ TURDAGI AKTSIYADORLIK JAMIYATI – yengil sanoat korxonasi. “O’zbekyengilsanoat” uyushmasi tarkibiga kiradi. Andijon viloyati Shahrixon tumanida joylashgan. Uning korxonasi 1994-1999 yillarda qurilgan. Uni barpo etish uchun 26 million AQSh dollari miqdorida sarmoya mablag’ sarflangan. Germaniya, Italiya, Shveytsariya singari rivojlangan mamlakatlardan zamonaviy texnologik jihozlar va asbob-uskunalar sotib olingan. Bu ishlab chiqariladigan mahsulotlarning sifati va raqobatbardoshligi bo’yicha jahon bozoridan munosib o’rinni olishga imkon berdi. Jamiyatda yiliga 2700 tonna a’lo sifatli kalava ip tayyorlanadi. Kelgusida ip shu erning o’zida to’qilib, tayyor gazlama holiga keltiriladi. 2000 yil tikuv hamda bo’yoq fabrikalari ishga tushirildi. 500 dan ortiq ishchi ishlaydi (2000).