Ustaxona

Ustaxona — 1) kasb-hunar egalari — ustalar ishlashi uchun maxsus jihozlangan joy, ishxona. Sharq (jumladan, O’rta Osiyo)da ustalar, asosan, ko’cha yuziga qaratib, uylaridan maxsus joy ajratib, Ustaxona qilganlar; shu tarzda zargarlik, temirchilik va boshqalar. Ustaxonalar mahalla (rasta)lari yuzaga kelgan. Shuningdek, Ustaxonada ustalar ishlash bilan birga “Ustashogird tizimi” asosida shogirdlar ham tayyorlagan; bu an’ana hozir ham saqlangan; 2) sanoat korxonalarida tuzatish ishlari olib boriladigan bo’lim; 3) ijodkor, jumladan, rassom, haykaltarosh va boshqalarning ish (ijod) xonasi.