Lyumer (Lumiere) Lui Jan

Lyumer (Lumiere) Lui Jan (1864.5.10, Bezanson — 1948.6.6, Bandol) — frantsuz kinematografiya ixtirochisi. Frantsuz Fanlar Akademiyasi a’zosi (1919). Sanoat maktabini tugatgan, otasiga qarashli fotomateriallar fabrikasida ishlagan. 1895 yilda akasi Ogyust (1862— 1954) bilan birga “harakatlanuvchi fotografiyalar”ni suratga olish va ekranga proektsiyalash apparati (kinematograf) tuzilmasini ishlab chiqqan. Shu apparati bilan suratga olingan kinoprogrammani birinchi marta Parijda 1895 yil dekabrda namoyish etgan. 1898 yildan kinotexnika bilan shug’ullangan. Lyumer hajmiy va rangli kinoga olish va namoyish qilishni tadqiq kilgan. Frantsiyada har yili eng yaxshi hujjatli film uchun Lyumer nomli mukofot ta’sis etilgan.