Lyunetta

Lyunetta (Fransuzcha lunette), lyunetta — 1) me’morlikda — gumbaz yoki devor (eshik tepasi)dagi ravoqsimon darcha. Lyunetta xonani shamollatish uchun oynavandli qilinadi; oddiy ravoqsimon hoshiya, ba’zan naqsh va haykallar bilan bezatiladi; 2) mashinasozlikda — stanokda ishlov beriladigan uzun, ingichka zagotovkalarni qo’shimcha ushlab turadigan qurilma. Bunday Lyunetta zagotovkani o’z ogirligi va keskichning bosimi ta’sirida egilishidan hamda titrashdan saqlaydi.