Levkopis

Levkopis (Leucopis bona Rohd.) — Chamaemyidae-Ochthipilidae oilasiga mansub foydali pashsha-entomofag. Kumushdek oqish, tanasining uzunligi 2-5 millimetr. Boshida ko’zlarini ajratib turuvchi keng peshonasi bor. Boshining tepa qismida qilchalari yo’q. Yilda 5-6 avlod beradi. Har avlodning rivojlanishi ob-havo sharoitiga qarab 20-30 kun davom etadi. O’rta Osiyoda keng tarqalgan. Katta yoshdagi qurtlari past haroratga ancha chidamli bo’lsada, bahorda ko’pi o’lib ketadi. Mart o’rtalarida g’umbakka aylanadi. Pashshalari esa mart oxiri — aprel boshlarida uchib chiqadi. Qurtlari o’simlik bitlari va cherveslarning yirtqichi (qishlayotgan komstok qurti)ning 80-90% ini yo’q qiladi, bahorda esa unli cherves tuxumlari bilan oziqlanadi.