Obloqulov Hazrat

Obloqulov Hazrat (1928, G’ijduvon tumani Todon qishlog’i) — usta dehqon, O’zbekiston qahramoni (2000); O’zbekistonda xizmat ko’rsatgan qishloq xo’jalik xodimi (1998). Mehnat faoliyatini 2-jahon urushi yillari G’ijduvon tumani Todon qishlog’idagi jamoa xo’jaligi a’zoligidan boshlagan. 1960 yildan shu tumandagi S. Ayniy nomli jamoa (hozirgi shirkat) xo’jaligida paxtachilik brigadasi boshlig’i, 1999 yildan bosh pudratchi. Obloqulov rahbarlik qilayotgan jamoa a’zolari paxtachilikda yangi agrotexnologiyalarni qo’llab, yuqori hosildorlikka, shartnomaviy rejalarni muntazam oshirib bajarishga erishdi. Ko’plab shogirdlar yetishtirgan.