Ozarbayjon universiteti, M. E. Rasulzoda nomidagi Ozarbayjon universiteti

Ozarbayjon universiteti, M. E. Rasulzoda nomidagi Ozarbayjon universiteti — ilmiy va pedagog kadrlar tayyorlaydigan oliy o’quv yurti. 1919 yil Boku shahrida ochilgan. Avval Boku, 1922 yildan Ozarbayjon universiteti. 1930 yil tibbiyot, pedagogika, xalq xo’jaligi va boshqa mustaqil oliy o’quv yurtlariga bo’linib ketdi. 1934 yil universitet sifatida qayta tiklandi. Matematika, mexanika, fizika, kimyo, biologiya, geologiya, geografiya, tarix, filologiya, huquq, sharqshunoslik, jurnalistika bo’yicha mutaxassislar tayyorlaydi. 13 mingga yaqin talaba ta’lim oladi. Kutubxonasida 1,5 milliondan ortiq asar bor.