ABERRATSIYA, biologiyada haqida nimani bilasiz?

ABERRATSIYA, biologiyada — 1) morfologiya va fiziologiyada — odatdagi tuzilish va funktsiyalardan, ya’ni normadan chetga chiqish; 2) genetikada — xromosomalar tuzilishining o’zgarishi. Aberratsiya tabiiy va eksperimental yo’llar bilan vujudga keladi. Aberratsiya ikki xil — bitta xromosomada yoki xromosomalararo sodir bo’lishi mumkin. Birinchi holda xromosomaning ma’lum qismi tushib qoladi, juftlanadi yoki ulardagi genlarning joylanish tartibi o’zgaradi, ikkinchi hodisa nogomologik xromosomalarning ma’lum qismlari o’zaro o’rin almashinadi.