Abu Dardo

Abu Dardo – to’liq ismi Uvaymir ibn Molik [?-652 (hijriy 32)] mashhur ansoriy sahoba. Xazraj qabilasidan. Damashqda qozi bo’lgan. Ko’p xadis rivoyat qilish bilan birga obid sahobalar qatoriga kiradi. Islom diniga kirmasdan avval tijorat bilan shug’ullangan. Abu Bakr Siddiq (r.a.) xalifalik davrida rumliklarga qarshi Yarmuk jangida qozilik qilgan. U Ali (kv.) va Muoviya I o’rtasidagi Siffin jangida har ikki tomonni sulh tuzishga undagan. Islom ummatining donishmandi degan nomga sazovor bo’lgan.