AKOBIROV

AKOBIROV Aminjon Soliyevich (1930.22.2, Buxoro) — aktyor va rejissyor. O’zbekistonda xizmat ko’rsatgan san’at arbobi (1969). Buxoro teatrida aktyor (1945-57), rejissyor (1957-60), bosh rejissyor (1960-64), direktor va rejissyor (1964-73 va 1975 yildan), Samarqand opera va balet teatrida direktor (1973-75). Akobirov ma’naviy-falsafiy ruhdagi obrazlarning mohir ijrochisi sifatida tanilgan: Qambarali (“Oltin ko’l”), Sulaymon (“Arshin mol olon”), Navoiy (“Alisher Navoiy”), Kochkaryov (“Uylanish”) va boshqalar. Rejissyor sifatida “Ravshan va Zulxumor” (K. Yashin), “Guli Siyoh” (S. Jamol), “Tohir va Zuhra” (S. Abdulla), “Mening Buxorom” (K. Yashin), “Vatan ishqi”, (3. Fatxullin, Sh. Sa’dulla) kabi asarlarni sahnalashtirdi.