AKTYORLAR UYI

AKTYORLAR UYI — teatr xodimlarining ijodiy klubi. 1966 yil tashkil etilgan. 1997 yildan “O’zbekteatr” ijodiy ishlab chiqarish birlashmasi qoshida. Aktyorlik uyida respublika sahna ustalari va yosh aktyorlarning ijodiy uchrashuvlari, hisobotlari muntazam o’tkaziladi, xotira kechalari, ma’ruza va munozaralar, ko’rgazma, ko’rik va tanlovlar, og’zaki jurnallar uyushtiriladi, yangi filmlar namoyish qilinadi. Aktyorlik uyi qoshida “Toshkent” teatr-studiyasi, “O’zbekiston” xalq raqs ansambli, “Tsin Sen” koreys folklor teatr-studiyasi va boshqa ijodiy jamoalar faoliyat ko’rsatadi (1998).