ARGONAVTLAR

ARGONAVTLAR (Yunoncha Argonautai; Argo — kema nomi va nautes — dengizchi) — yunon mifologiyasidagi qahramonlar. Argonavtlar “Argo” kemasida ajdaho qo’riqlab turadigan oltin terini olib kelish uchun Yason boshchiligida Kolxidaga boradilar va sehrgar Medeya yordamida uni qo’lga kiritib, Yunonistonga olib keladilar. Argonavtlar haqidagi mif yunon dengizchilarining Qora dengiz qirg’oqlariga suzib kelishlari ko’hna tarixini aks ettiradi.