Author: Admin

Palatolaliya nima degani – tanglay yorig’i mavjudligi tufayli artikulyatsiyaning buzilishi.

Palatodiniya nima degani – tanglay sohasidagi og’riq.

Pansinusit nima degani – burun atrofi bo’shliqlarining bir yoki ikki tomonlama yallig’lanishi.

Pankreolitiaz nima degani – patologik jarayon, me’da osti bezi yo’llarida konkrementlar hosil bo’lishi bilan tavsiflanadi.

Papula nima degani – teri sathidan ko’tarilib turadigan zich tuguncha; teriga toshadigan toshma elementi.

Paratsistit nima degani – qovuq oldi kletchatkasining yallig’lanishi.

Parauretrit nima degani – anomal rivojlangan parauretral yo’llarning yallig’lanishi.

Paraprostatit nima degani – prostata bezi atrofidagi to’qimalarning yallig’lanishi. Masalan, absessning yorilishi natijasi.

Parapsixologiya nima degani – ba’zi odamlarda kuzatiladigan ekstrasensor his etish, psixokinez va boshqa ruhiy qobiliyatlar haqidagi ta’limot.

Parasimpatik nerv sistemasi nima degani – tugunlari bevosita a’zolarga yaqin yoki ularning ichida joylashgan vegetativ nerv sistemasining bir qismi.