Author: Admin

Planka (taxtacha) – uzun, nisbatan yupqa bo’lak, odatda, kesmali to’rtburchaklar.

Planimetr – tekis yuzaga chizilgan yopiq kontur maydonlarini mexanik aniqlash (integratsiya) uchun ishlatiladigan qurilma. Masalan: qutb planimetri.

Plazmali yopma – plazmali changlatish yo’li bilan olinadigan gaz-termik yopma.

Plagioklazalar – dala shpatlari, ohak-natriyli alyumosilikatlar guruhlarining jins hosil qiluvchi minerallari. Ular oq, kulrang, sariq, yashil, qo’ng’ir, qizil ranglarda uchraydi. Uning sof kaltsiyli-anortit; sof natriyli-albit turlari mavjud. Plagioklazlar minerallarning amorf … Read More

Plavni – natriy, kaliy va kaltsiy birikmalariga ega bo’lgan tabiiy va sun’iy material, undan keramik massalarni pishirish jarayonini tezlashtirish va kuyish hodisasining yuqori haroratini pasaytirish uchun foydalaniladi.

Pishirish (o’tda qizdirish, o’tda toblash) – material yoki mahsulotlar fazasi va kimyoviy tarkibini o’zgartirish (barqarorlashtirish) va/yoki kuch va ko’rinadigan zichlikni oshirish, g’ovaklikni kamaytirish uchun issiqlik bilan ishlov berish.

Pishirilgan (kuydirilgan) – olovda kuydirilgan yoki qovurilgan.

Pishiqlik (quyuqlik) – mustahkam, sobit, kuchli bo’lish xususiyati. Masalan: qorishmaning quyuqligi, o’rtacha pishiqlik va hokazolar.

Pishiq g’isht – humdonda pishirib olingan xom g’isht. Pishirish jarayonida g’ishtning maksimal mustahkamligini ta’minlash uchun olovning optimal harorat rejimi va pishirish davomiyligi tanlanadi.

Pishiq arqon – suv yo’li (daryo, kanal), qirg’oq bo’ylab harakatlanayotgan odamlar yoki otlar tomonidan kema tortiladigan kanat yoki tros. Bundan tashqari, quruqlikda ham foydalanish mumkin.