Author: Admin

Sari chashma – buloq ko`zi, buloqning suv chiqadigan joyi.

Sarisuv– tog`oldi lyoss va gildan iborat qiya tekisliklardan oquvchi loysa suv. Ba’zi joylarda daryo nomiga aylanib ketgan. Masalan, Markaziy Qozog`istondagi Sarisuv daryosi.

Sapropel (yunoncha sapros – sassiq, pelos – loyqa) – oqmay turgan suv havzalari tubida o`simlik va hayvon organizmlari qoldiqlaridan hosil bo`ladigan organik loyqa, balchiq. Tibbiyotda (balchiq bilan davolashda), yoqilg`i va … Read More

Sangzor (tojikcha)-toshloq, daryo vodiysidagi sertosh maydon.

Sangir- tog`lardagi tik jarlik daryoning qulashi natijasida hosil bo`lgan tik qirg`og`i.

Sangbo`ron– tog yonbag`iridan toshlarning ko`chib, yumalab tushishi. O`simlik bilan qoplanmagan quruq toshloq yonbag`irlarda ko`p bo`ladi. Sangbo`ron toshbo`ron shaklida ham ishlatiladi.

Samum (arabcha samum – issiq shamol)- Arabiston va Shimoliy Afrika cho`llarida esadigan issiq va quruq shamol. Samum esganda qum bo`roni turib, harorat 50 darajaga yetadi va undan ham oshadi.

Sakrama– daryoning tog`, tez- oqar qismi, ostonatosh, shalola.

Sayrob– tog`larda orografik yomg`ir ko`p tushadigan, sersuv joy, vodiy boshi.