Author: Admin

Geomagnit ekvator – qiymati nolga teng bo`lgan izoklin chizig`ning geografik nomi.

Geomagnit meridian – yer magnit maydonining gorizontal vektori yo`nalishi.

Geomagnit kengligi – magnit qutb bilan kuzatilgan nuqta orasidagi burchak.

Geologiya– yer haqidagi fan.

Geologik sistema – ma`lum geologik davrda to`plangan cho`kindi jinslar qoplami.

Geologik svita – tabiiy geografik muhitda hosil bo`lib, ma`lum stratigrafik shkalani egallagan yotqiziqlar turkumi.

Geologik xaritalar – yer yuzasining geologik tuzilishini tasvirlovchi xaritalar.

Geologik yosh – biror geologik voqeaning sodir bo`lganidan hozirgacha yoki biror yangi geologik hodisagacha o`tgan vaqt.

Geologik vaqt – tog` jinsi qatlamlarining paydo bo`lishiga ketgan vaqt.

Geodeziya– yer shakli va o`lchamlarini aniqlash, yer sirti tasvirini plan va xaritalarga tushirish, yer sirtida o`lchash ishlarini olib borish usullari haqidagi fan.