Author: Admin

Delta– daryoning dengiz yoki ko`lga quyilish joyida suvga oqib kelgan jinslardan hosil bo`lgan tekislik. Delta nomi yunon alifbosining bosh harfi – deltadan olingan.

Dasht–kserofil- qurg`oqchilikka ancha chidamli o`simliklar o`sadigan joylar. Cho`lga nisbatan biroz salqin.

Daryo havzasi – biron daryo sistemasiga suv keladigan hudud daryo suv yig`ish havzasi deb aytiladi.

Daryo transporti – ichki daryo, ko`l va suv omborlarida yuk va yo`lovchi tashiydi.

Daryo yotqiziqlari – daryo va soylarning qirg`oqlarini yuvish, yangi o`zanlar ochish natijasida hosil bo`lgan yotqiziqlar.

Daryo– tabiiy o`zanda oqayotgan suv. Yog`in sochin va boshqa suvlarni to`plab past joylar tomon oqa boshlashdan hosil bo`ladi.

Damba– suvni vaqtincha yoki doimiy damlab turuvchi ko`tarma to`siq.

Dayka– magmani yerdagi yoriqlarni to`ldirib, qotib qolgan shakli.

Do`ng – baland yer, kichik tepa, uzun cho`zilgan qir.

Duragaylar – turli irqlarga oid kishilar nikohidan bo`lgan avlod. Masalan, Amerikada oqlar bilan indeetslarning nikohidan tug`ilgan avlod duragaylar deyiladi.