Author: Admin

Old (fasad) – fransuzcha: façade-binoning old tomoni, yuz qismi.

Oqlash – har qanday yuzaga qo’llaniladigan bo’r, ohak qatlami.

Oqlamoq – oq qilmoq (bo’yash, biror narsani oqlash, bo’r, ohak bilan qoplash).

Oqimga qarshi – suyuqliklar, gazlar, elektr tokening bir-biriga qarab harakatlanishining parallel yo’nalishi.

Oqim tarqatgich – kelayotgan oqimni har tarafga tarqatadi.

Oqim (ingichka oqim) – aniq chegara ega bo’lgan narsaning bir yo’nalishdagi oqimi.

Oq uy – o’tov, chodirning uy-joy uchun mo’ljallangan serhasham turi.

Oq suvoq – qora suvoq ustida qilinadigan pardoz suvoq.

Olovbardoshlik (Olovbardoshlilik) – konstruksiya va mahsulotlarning ma’lum vaqt davomida buzilmasdan yuqori harorat ta’siriga bardosh berish qobiliyati.

Olovbardosh g’isht – olovga chidamli materialdan tayyorlangan g’isht, yuqori haroratli isitishga to’g’ri keladiga, isitish moslamalari va inshootlarini qurish va futerovkalash uchun ishlatiladigan olovga chidamli g’isht.