AVTOMAT OXUR

AVTOMAT OXUR — qishloq xo’jalik hayvonlarini yem bilan boqishni qulaylashtirish uchun mo’ljallangan qurilma. U bir necha kunga yetarli yem solinadigan dul (kovsh) va oxurdan iborat. Do’lning tubida yem chiqadigan tuynugi bor. Oxurdagi yem sarflangan sari tuynuk ochiladi, do’ldan oxurga yem tushadi. Suyuq va maydalangan yemlar uchun esa vakuumli Avtomat oxur qo’llaniladi. Uning do’li tsilindr shaklida bo’ladi. Asosan o’rtacha fermalarda ishlatiladi. Parrandachilik fermalarida don-dun va suv tushib turishiga moslangan Avtomat oxur qo’llaniladi.