BALASHEV NIKOLAY NIKOLAYEVICH

BALASHEV NIKOLAY NIKOLAYEVICH (1902, Xabarovsk shahri- 1977.25.9, Toshkent) — agronom olim. O’zbekistonda xizmat ko’rsatgan fan arbobi (1962), qishloq xo’jalik fanlari doktori (1952), professor (1952). O’rta Osiyo davlat universitetining qishloq xo’jalik fakultetini bitirgan (1923). 1930 — 41 yillarda Toshkent qishloq xo’jaligi institutida dotsent, dekan, ayni paytda O’zbekiston qishloq xo’jalik tajriba stansiyasida (1925 — 35), O’zbekiston sabzavotchilik, kartoshkachilik tajriba stansiyasida bo’lim boshlig’i (1935— 41; 1944 — 46). Toshkent qishloq xo’jaligi institutida sabzavotchilik kafedrasi mudiri (1946 — 77). Ilmiy ishlari O’rta Osiyoda kartoshka va sabzavot ekinlari agrotexnikasi, urug’chiligining amaliy va nazariy masalalariga bag’ishlangan.