BANTENG

BANTENG (Bibos javanicus), zond ho’kizi — yovvoyi qoramol. Juft tuyoqlilar turkumining quvushshoxlilar oilasiga mansub. G’arbiy Hindiston, Hindixitoy, Yava, Bali, Sumatra orollarida, Malakka yarim orolida tarqalgan. Zebu hamda Osiyo qoramolining ajdodi hisoblanadi. Tog’va tekisliklardagi o’rmonlarda kichikroq poda bo’lib yashaydi, lekin Qarisi yakka yashaydi. Tanasining uzunligi 2 metrgacha, balandligi 1,5 metrcha. Buqasi malla, sigiri to’q qo’ng’ir tusda. Buqasining og’irligi 300 — 350 kilogramm keladi. Oysimon qayrilgan shoxining uzunligi 40 -50 santimetrga yetadi. Soni kamayib ketgan. Qo’lga o’rgatilgan (bali qoramoli), asosan go’shti uchun boqiladi. Xalqaro tabiatni muhofaza qilish Kengashi qizil kitobiga kiritilgan.