BO’BAKSOY

BO’BAKSOY — Navoiy viloyati Nurota tumanidagi soy. Orasoyning bosh irmog’i. Uzunligi 29 kilometr. Oqtog’ning g’arbiy qismi — Baxiltog’ning Janubiy yon bag’ridan (1500 metr) boshlanadi va g’arbga tomon oqib Eskiqishloq yonida Bitovsoy bilan qo’shilib Orasoyni hosil qiladi. Qizilqum cho’llariga yaqin bo’lganidan Bo’baksoy havzasida yog’in kam yog’adi. Yog’ingarchilik paytidagina suvi ko’payadi.