BURYATLAR

BURYATLAR (o’zlarini baryaat deb ataydilar) — Rossiya Federatsiyasidagi xalq. Buryatiya Respublikasining asosiy aholisi (250 ming kishi), Rossiya Federatsiyasida 421 ming kishi, umumiy soni 520 ming kishi (1990-yillar o’rtalari). Buryatlar Mongoliyaning shimolda va Xitoyning shimoli sharqida ham yashaydilar. Mongoloid irqiga mansub. Buryat tilida so’zlashadi. Buryatlar orasida asosan budda — lamaizm, shuningdek xristianlik (pravoslavie) tarqalgan, eng qadimgi diniy e’tiqodlar (shamanizm) ham saqlangan.