Category: A harfiga oid qurilish atamalari

Asfaltli qorishma – asfalt bog’lovchi va mayda mineral to’ldiruvchi asosidagi qurilish qorishmasi.

Asfalt-beton yotqizgich – asfalt-beton va boshqa bitum-mineral aralashmalarni tarqatish va yotqizish uchun zanjirli yoki g’ildirakli mashina.

Asfalt-beton zavodi – asfalt-beton va asfalt qoplamalari qurish va ta’mirlashda foydalaniladigan bitum-mineral aralashmalar ishlab chiqarishga mo’ljallangan ishlab chiqarish korxonasi.

Asfalt-beton aralashmasi – mineral materiallar (chaqiq, tosh, shag’al va mineral kukunli qum yoki mineral kukunsiz qom) hamda aniq nisbatlarda va isitilgan holatda olingan bitumning ratsional tanlangan aralashmasi.

Asfalt-beton asosidagi pol qoplamasi – choksiz pol qoplamalarining bir turi va bu qoplama bitum, minerallli kukun, qum, ko’proq chaqiq tosh yoki shag’al aralashmasidan tayyorlanadi.

Asfalt-beton – mineral to’ldiruvchilar (chaqiq, tosh, qum, maydalangan mineral kukun) va organik bog’lovchi (bitum yoki qatron)ning ratsional tanlangan, puxta aralashgan va zichlashgan aralashmalarini qotirish natijasida olinadigan qurilish materiali. Qatronni qo’llash … Read More

Asfalt bog’lovchi – kompozitsion materiallarni ishlab chiqarish uchun qo’llaniladigan sun’iy yoki tabiiy modda. Asfalt bog’lovchi bitumli va qatronli moddalardan tashkil topgan organik bog’lovchilar guruhiga kiradi.

Asfalt – qora yoki qora-jigarrang, juda porloq, 100 C da eriydigan skipidar moyi, neft va benzinda eriydigan tog’-mineral qatron. Asfalt-bitumning bir turi.

Astar (qo’shimcha qatlam) – 1) libos ichki matosi, ichki taraf; 2) binoning ichki bezagi: 3) oraliqqa nimadir qo’yish.

Astarkori (naqqoshlikda) – asos-zaminni tayyorlashda xomaki yamoq ishlari.