Category: A harfiga oid tibbiyot atamalari

Aortit nima degani – aorta devorining yallig’lanishi, ko’pincha zaxm, streptokokk kasalliklarida, revmatizm, allergiya holatlarida paydo bo’ladi.

Aortalgiya nima degani – aorta sohasidagi og’riq. Aorta aterosklerozi va aortit kasalliklarida kuzatiladi.

Anus nima degani – orqa chiqaruv teshigi, to’g’ri ichakning chiqish teshigi.

Applanatsiya rogovitsi, ko’z muguz pardasining applanatsiyasi, yassilanishi nima degani – chandiqlanish bilan tugallangan patologik jarayonning asorati.

Apopleksiya nima degani – bosh miyaga to’satdan ko’p miqdorda qon quyilishi. Odamning o’zidan ketib, falaj bo’lib qolishi bilan ifodalanadi. Ginekologiyada: Ayollarda tuxumdon apoleksiyasi – tuxumdonga qon quyilishi, qattiq og’riq bo’lishi.

Aponevroz nima degani – serbar biriktiruvchi to’qima plastinkasi, aksari bir-biriga parallel bo’lib joylashgan zich kollagen va elastik tolalardan iborat.

Apatiya, loqaydlik nima degani – beparvo, loqayd bo’lib qolishi, hech narsaga qiziqmaslik holati, “hislarning falaj bo’lib qolishi”, apatik sindrom – his-tuyg’ularning qisman yoki butunlay yo’qolib ketishi bilan kechuvchi psixika buzilishi.

Aorta nima degani – katta qon aylanish doirasining eng yirik qon tomiri, yurakning chap qorinchasidan chiqadi va o’zining tarmoqlari bilan tananing barcha qismlarini arterial qon bilan ta’minlaydi.

Anuriya nima degani – siydiq chiqmasligi, buyraklarning siydiq ajratmay qo’yishi.

Antrakoz nima degani – toshko’mir changi bilan muntazam nafas olish natijasida rivojlanadigan kasbiy pnevmokonioz.