Category: B harfiga oid tarixga oid ensiklopedik atamalar

Banda-Islom aqidalariga bog’liq tushuncha bo’lib, inson Xudoning quli ma’nosida ishlatiladi. “Bandai mo’min”, “bandai bechora”, “g’ofil banda” iboralari ham shundan kelib chiqqan. Bu iboralar har bir mo’min-musulmonning Olloh oldida tobe va … Read More

Baktar-temirdan yasalgan jang kiyimi

Bakovul-turli davrda turli xil ma’nolarni anglatgan. 1. XVI-XIX asrlarda belgilangan joylarda savdogarlarning tamg’a, ya’ni boj solig’ini to’lab o’tishlari ustidan nazorat qilib turgan kichik mansabdagi harbiy xizmatchi; 2. XV asrdan boshlab … Read More

Baytulmol-Islom mamlakatlarida davlatga qarashli qimmatbaho buyumlar, mol-mulklar hamda egasiz qolib davlat ixtiyorida o’tgan mol-mulk va shu mol-mulk saqlanadigan maxsus joy. Xazina.

Baytulloh-Makka islom dinining yagona markaziga aylangandan keyin Ollohning uyi – Ka’baga berilgan nom.

Bazl-in’om, ehson, hadya.

Bazzoz-ip-gazlama bilan savdo qiladigan do’kondor. Qadimga bunday do’kondorlar O’rta Osiyo bozorlarida ko’p bo’lgan. Bazzozlr gazlamalarni ot-aravalarga ortib, uzoq qishloqlarga ham olib borib sotishgan.

Bayot-qadimgi turk-o’g’iz qabilalaridan biri. Bayot qabilasi turkman, ozarbayjonlar bilan bir qatorda o’zbek xalqlari tarkibiga ham kirgan. XX asr boshlarida bayotlar Buxoro atroflari va Qorako’l tumanlarida istiqomat qilishgan.

Bayonnoma-biror voqea yuzasidan yozilgan rasmiy ma’lumot yoki xabar. Hozirgi kunda ushbu atamaning ma’nosini bayonet atamasi orqali ifodalash qo’llanilmoqda.

Badarg’a-butun bir qishloq aholini yoki ayrim bir javobgar shaxsni yashab turgan joyidan haydab yuborish yoki muayyan joylarda turishini ta’qiqlash.