Category: F harfiga oid fuqarolik jamiyatiga oid ensiklopedik atamalar

FUTUROLOGIYA (lot. kelajak to’g’risida ta’limot) — Ijtimoiy jarayonlar, insoniyat tahlil qiluvchi ilmiy nazariyalar. Sinonimi-prognoz.

FUQAROLAR URUSHI — bir mamlakat ichidagi ijtimoiy guruhdar o’rtasida davlat hokimiyati uchun olib boriladigan qurolli kurash.

FRANKFURT MAKTABI — XX asrning 30-yillarida Germaniyada, Franfurt- Mayndagi sotsial tadqiqotlar instituti negizida vujudga kelgan ijtimoiy-falsafiy maktab. U fashizmga, shuningdek, texnokratik ommaviy iste’mol jamiyatiga intellektual muxolifatni tashkil etgan.

FEDERALIZM (lot. ittifoq orqali mustahkamlash) — federativ asoslarga ko’ra birlashgan davlat tuzilishi tizimi.

FAVQULODDA SUD — alohida voqealar, hodisalar yoki sharoit talabi bilan joriy etiladigan sud.

FAOLLIK (siyosiy faollik) — muayyan siyosiy va boshqa maqsadlarga erishishga qaratilgan ongli harakat darajasi. Shaxs, guruh, partiyalar, xalq ommasi faoliyatining eng muhim sifatlaridan, xususiyatlaridan biri.

FAOLIYATIY YONDOSHUV — siyosatni-muayyan tadbirlar ketma-ketligi sifatida qaraydi va siyosiy qarorlar qabul kilish jarayonini o’rganishda keng qo’llanadi.

FALSIFIKATSIYA (lot. sohtalashtirish) — haqiqiyni qalbakiga, aslni sohtaga almashtirish, real borliqni buzib ko’rsatish.

FATVO (arab. – tushuntirish, izoh, hukm, qaror) — islomda muftiy yoki ulamolar kengashi tomonidan diniy, huquqiy, siyosiy hamda ijtimoiy masalalarda beriladigan qaror, hukm yoki izoh.

FASHIZM (ital. fassismo – bog’lam, dasta, aloqa, to’da, birlashish) — totalitar tipdagi siyosiy diktaturaga asoslangan hokimiyatning siyosiy konsepsiyasi. Ushbu vayronkor mafkura oqim sifatida I jahon urushidan keyin Yevropa mamlakatlaridagi tajovuzkor … Read More