Category: G harfiga oid tibbiyot atamalari

Gemeralopiya, shapko’rlik (kechqurun ko’ra olmaslik) nima degani – yorug’lik kamaygan sharoitda, kechqurun, tunda, qorong’i xonada ko’rish qobiliyatining keskin pasayishi.

Gematuriya, siydikda qon bo’lishi nima degani – qator kasalliklarning: buyrak-tosh kasalligi, siydik-tanosil a’zolari sili, buyrak usti bezlari, buyrak va siydik yo’llari o’smalarining simptomidir.

Gematotsista nima degani – 1) ichida qon bo’lgan kista; 2) gematoma tashkil bo’lishi va so’rilishi natijasida parenxematoz a’zolarida hosil bo’lgan bo’shliq.

Gematotsele nima degani – moyakning pariyetal va visseral plastinkalari oralig’ida (intervaginal shakli) yoki yorg’oq to’qimalariga (ekstravaginal shakli) qon to’planishi.

Gematomiyeliya nima degani – orqa miya to’qimalariga qon quyilishi. Siringomiyeliyaga o’xshash simptomlarning o’tkir rivojlanishi uning sababi, deb hisoblanadi.

Gematidroz nima degani – qonli teri; juda kamdan-kam uchraydigan klinik holat bo’lib, bunda butunligi buzilmagan teridan qon yoki qon aralash ter chiqishi.

Gemagglyutinatsiya nima degani – qizil qon tanachalarining yopishish va so’ng cho’kish jarayoni, buni gemagglyutininlar (eritotsitlarni yopishishga olib keluvchi antitelolalar), bakteriya va viruslar, eritrotsitlar yuzasiga yopishib qolish xususiyatiga ega bo’lgan moddalar … Read More

Gebefreniya nima degani – shizofreniyaning ko’pincha o’smirlik davrida boshlanadigan bir turi bo’lib, asosan, ahmoqona harakatlar, yuzaki vaziyatga to’g’ri kelmaydigan hissiy reaksiyualar, fikrlash poyma-poyligi bilan tavsiflanadi.

Gastoektaziya nima degani – oshqozonning chiqish qismi (pylorus) yoki o’n ikki barmoq ichakning stenozida oshqozon bo’shlig’i va devorlarning cho’zilishi, kengayishi.

Gastoenterokolit nima degani – me’da va ichak yo’llarining o’tkir yallig’lanish kasalligi, ko’proq ingichka va yo’g’on ichaklar yoki ularning bo’limlari kasallanadi.