Category: I harfiga oid pedagogikaga oid ensiklopedik atamalar

Imtihon sessiyasi-oliy, o’rta maxsus va kasb-hunar o’quv yurtlarida muayyan mutaxassislik bo’yicha o’quv rejasi asosida belgilangan imtihonlarni topshirish davri.

Improvizatsiya-tezkor favqulodda ijodkorlik.

Imtihon (lotincha examen-sinov)-o’quvchi va talabalar bilim, ko’nikma va malakalarini sinash jarayoni. Imtihonlar davlat imtihoni, kirish, sinfdan (kursdan kursga) ko’chirish, tanlov imtihoni, sinfdan (kursdan kursga) ko’chirish, tanlov imtihoni va boshqa turlarga … Read More

Imlo (arabcha – to’g’ri yozish), orfografiya – so’z va gaplarning, so’z qismlarining grafika vositalari yordamida to’g’ri yozilishi; muayyan tildagi to’g’ri yozish qoidalari majmui.

Imkoniyat-o’quvchi yoki talabadagi voqelikning dastlabki ko’rinishi, namoyon bo’lmagan jihatlari.

Imitatsiya (lotincha Imitation-taqlid)-biror narsaga taqlid qilish, o’xshatma.

Imitatsion o’yinlar-imitatsion o’yinlar ssenariyasi, hodisa syujetidan tashqari, imitatsiya qilinadigan jarayon va ob’yektlar tarkibi va ahamiyati haqidagi tavsilotlarni o’z ichiga olgan bo’lim, tsex, korxonalarning faoliyatini imitatsiya qilishga asoslangan didaktik o’yin turi.

Ilg’or pedagogik tajriba-o’qituvchining ta’lim-tarbiya sohasidagi bilim, ko’nikma va malakalarni ijodiy o’rganib borishi, o’z ustida ishlashi va ta’lim-tarbiyani zamonaviylashtirish imkoniyatlarini ifodalovchi faoliyat turi.

Ilmiy g’oya-ilmiy tadqiqot ishining va umuman ilmiy bilish jarayonining dastlabki harakatlantiruvchi omil bo’lib, u tadqiqot maqsadi, uning yo’nalishi va mohiyatini ifodalaydigan ilmiy bilish shakli.

Ilmiy xodim-muayyan ilmiy tadqiqot muassasasi yoki ilmiy mavzusi doirasida laboratoriyada ilmiy faoliyat bilan shug’ullanadigan xodim.