Category: I harfiga oid qurilish atamalari

Ishchi chizmalar – bevosita qurilish-yig’uv ishlarini bajarish yoki binokorlik mahsulotlari va qurilmalarini tayyorlash uchun mo’ljallangan chizmalar.

Ishchi hujjatlar – alohida bino, inshoot va ish turlarining ishchi chizmalari majmui. Murakkab ob’yektlar bo’yicha ishchi hujjatlar tuzishda loyiha materiallariga aniqlik kirituvchi qo’shimcha ishlar amalga oshiriladi. Ularning ishchi chizmalari butun … Read More

Ishchi maydon – bevosita qurilish-yig’uv ishlari olib boriladigan, zarur ashyolar, tayyor qurilma va mahsulotlar, mashina va moslamalar joylashtiriladigan maydon.

Ishchi organ – ishlov berilayotgan material bilan bevosita o’zaro ta’sir qiluvchi, bajariladigan texnologik operatsiyalar va ishlov beriladigan material turiga qarab juda xilma-xil bo’lgan dastgoh agregati, qismi.

Ishchi loyiha (IL) – tasdiqlanadigan qism va ishchi hujjatdan, texnik-iqtisodiy ko’rsatkichli hamda cheklangan narxdan iborat hujjat.

Ishchi qabul hay’ati – o’rnatilgan tartibda, qurilish tugallangan ob’yektda bajarilgan ishlarni qabul qilib olish va uni davlat qabul hay’atiga taqdim etish uchun tayinlanadigan hay’at.

Ishchi armatura – temir beton konstruksiyalarning hisoblash asosida o’rnatiladigan armaturasi.

Ishchan (tez, amaliyga oid) – 1) biror narsani bevosita, amalda bajaruvchi; 2) ishlar borishini tez, o’z vaqtida tuzatish yoki yo’naltirishga qodir; 3) har qanday operatsiya bilan bog’liq; operatsiyadan kelib chiqadigan; … Read More

Ishratxona (tarabxona) – 1) Ishrat qilinadigan joy; 2) aysh-ishrat bazmi uchun qurilgan maxsus ko’shk.

Ishonchlilik (mustahkamlik nuqtai nazaridan) – bino va inshoot hamda uning ko’taruvchi va to’suvchi qurilmalarining foydalanish davrida berilgan vazifalarni bajarish xususiyati.