Category: J harfiga oid tarixga oid ensiklopedik atamalar

Juft, qo’sh-bir kunda, bir faslda ho’kiz bilan ishlov berib hosil olinishi mumkin bo’lgan yer miqdorini anglatadi.

Jupa (slavyancha)-X asr atroflari-XX asr boshlarida janubiy va g’arbiy slavyanlarda ma’muriy-hududiy birlik nomi; okrug, qishloq.

Juvoz (forscha)-o’tmishda Sharq mamlakatlarida zig’ir, kunjut, chigit, yong’oq, danak mag’zi, qovun, qovoq, tarvuz urug’i va shu kabilardan ot yoki ho’kiz kuchi bilan moy oluvchi tegirmon.

Jubba, jiba, jeva (turkcha)-1) O’rta Osiyo va Sharq armiyasida jangchini yoy o’qi, qilich va nayzadan saqlash uchun simdan to’qilgan maxsus harbiy kiyim. Jubba, asosan, jang paytlarida kiyilgan. 1,5-2 millimetr diametrdagi … Batafsil

Juvang’ir, Javong’or, Jung’ar (turkcha, chap qo’l)-1) moziyda Markaziy Osiyoda davlat tasarrufidagi yerlarning chap tomoni. Ko’chmanchi xalqlarda mamlakat va uning aholisini ikki qanotga: o’ng va so’lga taqsimlash qadimdan odat tusini olgan; … Batafsil

Jou-qadimgi uzunlik va og’irlik o’lchov birligi; tarixiy manbalarda ko’p uchraydi; arpa donining aynan o’zi (o’rtacha 0,04 grammga teng).

Jon solig’i (ruscha podushnaya podat)-Rossiyada 1722 yili Pyotr I tomonidan armiya tomonidan uchun joriy etilgan soliq. Soliq to’lovchi barcha erkak fuqarolardan, yoshidan qat’i nazar, undirilgan. Pomeshchik, monastir va saroy dehqonlari … Batafsil

Jondor, siloxdor (forscha)-saroy lavozimlaridan biri; 1) Movarounnahrda, xususan, qoraxoniylar va xorazmshohlar davrida yasovulboshi; saljuqiylar davrida Jondorlar qo’riqchilik va jallodlik vazifalarini ado etgan jangchilar bo’lib, ularning boshlig’i amiri Jondor unvoniga ega … Batafsil

Jonglyor, huqqaboz (fransuzcha jongleur, lotincha joculator-hazilkash, qiziqchi)-o’rta asrlarda Fransiyada sayoq hayot kechirgan masxaraboz va mashshoqlar. Gistrionlar deb ham nomlangan. Germaniyadagi shpilmanlar, Rossiyadagi skomoroxlarga yaqin.

Jingoizm (jingo, ingliz shovinistlari laqabi)-o’ta shovinistik qarashlarni anglatuvchi atama; XIX asrning 70-yillarida Buyuk Britaniyada muomalaga kirgan. Ilk bor radikal siyosatchi Jorg Xoliok tomonidan qo’llanilgan.