Category: L harfiga oid iqtisodiy ensiklopedik atamalar

LINGVISTIK TA’MINOT – inson va tizim orasidagi muloqotni ishlab chiqish hamda ta’minlash uchun axborotlarga ishlov berish va foydalanishning turli bosqichlarida ishlatiladigan til vositalari yig’indisini o’zida namoyon etadi.

LIMITLASHTIRILMAGAN CHEK DAFTARCHALARI – bir yil muddatga berilib, ularni bergan bank ssudasi bilan ta’minlanadi. Ular mablag’larni maxsus schyotda oldindan deponentlashni talab qilmaydi.

LIMITED – kompaniyalarning o’z majburiyatlari bo’yicha cheklangan javobgarligini aks ettiruvchi termin (aksioner yoki pay capital asosida). Mas’uliyati cheklangan jamoaning belgisi.

LIKVIDLILIK TUZOG’I – foiz stavkasi juda past bo’lgan shunday vaziyatki, odamlar pulni naqd ko’rinishda saqlab turishni afzal ko’radilar. Tadbirkorlar esa foiz stavkasi bundan ko’ra pasayishi mumkin emasligi sababli investitsiyalarni ko’paytirmaydi. … Read More

LIKVIDLILIK KOEFFITSIYENTI – mavjud mablag’larning qanchalik qismi tez orada qoplash uchun yo’naltirilishi mumkinligini ifodalovchi ko’rsatkich.

LIKVIDLILIK – a) turli firmalar va banklarning o’z qarzini to’lay olish yoki boshqa majburiyatlarini bajara olish imkoniyati; b) bir aktivning ikkinchisiga qanchalik tez almashina olinishi o’lchovi. Naqd pul eng yuqori … Read More

LIKVIDLIK RISKI – tijorat banklari likvidligi pasayishi bilan bog’liq risklardir.

LIKVIDLI MABLAG’LAR – firma ixtiyoridagi pul vositalari, bank depozitlari, qimmatli qog’ozlar, oson sotish mumkin bo’lgan moddiy aylanma mablag’lar bo’lib, ular tezda sotish mumkin bo’lgan aktivlardir.

LIKVIDATSIYA (tugatish, tarqatish, barham berish) – firma yoki korxona faoliyatining aksionerlar yig’inining, xo’jalik sudining qaroriga muvofiq, bankrotlikka uchrashi, qayta tashkil etilishi tufayli to’xtalishi.

LIFO inglizcha (last in first out – so’nggi kirim birinchi chiqim) – sarf qilingan materiallar qiymatini hisobdan chiqarishning usullaridan biri.