Category: M harfiga oid geografiyaga oid ensiklopedik atamalar

Mikroreylef- Yer yuzasining kichik reylef shakllari: daryo terrasalari, qum tepalari, kichik-kichik ur-qirlar va b.

Mikroiqlim – kichik hududlarning iqlimi.

Migratsiya (lotincha migratsio – ko`chish) -1) aholi migratsiyasi – aholining bir joydan ikkinchi joyga ko`chishi; 2) hayvonlarning yashash sharoiti va rivojlanish siklining o`zgarishi munosabati bilan bir geografik muhitdan boshqa muhitga … Batafsil

Mehnat resurslari – mamlakatning mehnatga layoqatli yoshdagi barcha aholisi, shuningdek ishlab chiqarishda ishtirok etadigan 16 yoshgacha bo`lgan o`smirlar va nafaqaxo`rlar. O`zbekistonda 16 yoshdan 55 yoshgacha bo`lgan ayollar va 60 yoshgacha … Batafsil

Metropoliya (yunoncha meter – ona, polis – shahar) – 1) mustamlakalari bo`lgan davlat; Masalan, Buyuk Britaniya o`z mustamlakalari uchun metropoliya bo`lgan; 2) ba’zi bir davlatlarda (Masalan, Kanadada) provinsiya yoki hududning … Batafsil

Metislar (lotincha mikstus – aralash) – turli irqlarga mansub kishilar o`rtasidagi nikohdan paydo bo`lgan avlodlar; Masalan, Amerikada indeetslarning yevropoid irqi vakillari bilan aralashishidan paydo bo`lgan metislar.

Meteorologik stansiya – muayyan muddatlarda turli asboblar yordamida izchillik bilan meteorologik kuzatishlar olib borib, ob-havo holatini ma’lum qilib turadigan stansiya. Meteorologik stansiyalardan olingan ma’lumotlar asosida ob-havo bashorati tuziladi.

Metamorfik tog` jinslari – metamorfizm natijasida hosil bo`lgan tog` jinslari. Masalan, ohaktosh marmarga, gil gilli slanetsga aylanadi. Gneys, kristalli slanets, kvarsitlar ham metamorfik tog` jinslari hisoblanadi.

Metamorfizm (yunoncha metamorfis – o`zgarish) -Yer po`stining ichki qismida issiqlik va bosim ta’sirida cho`kindi ham magmatik tog` jinslari strukturasi, mineralogik va kimyoviy tarkibining o`zgarishi. Metamorfizm ta’sirida hosil bo`lgan tog` jinslari … Batafsil

Metageografiya– geografiyani fan sifatida tadqiq qiluvchi yo`nalish. Metageografiya geografiyaning ob’ekti va predmeti, fanlar sistemasidagi o`rni, asosiy tushunchalari va aksiomatikasini aniqlaydi hamda o`rganadi.