Milliylik-millat ko'zgusi
MOLIYAVIY DASTAKLAR VA RAG’BATLANTIRISH VOSITALARI – ularga foydani taqsimlash usullari, turli fondlarga to’lovlar, ajratmalar, qo’llaniladigan imtiyozlar, sanksiyalar, jarimalar, soliqlar, subsidiya, subvensiya va sanatsiyalar kiradi.
MOLIYAVIY BUDJET – kapital qo’yilmalar budjeti, pul mablag’lari budjeti va bashorat qilinadigan balansni o’zida mujassamlashtirgan bosh budjetning bir qismi.
MOLIYAVIY BOZOR – qisqa, o’rta va uzoq muddatli kreditlar hamda fond qiymatlari, ya’ni aksiyalar, obligatsiyalar va qimmatli qog’ozlarning boshqa ko’rinishlari bozori. Birlamchi moliyaviy bozorda yangi qimmatli qog’ozlar chiqariladi, ikkilamchi moliyaviy … Read More
MOLIYAVIY AKTIVLAR – birlikning o’z mablag’laridan iborat. Ular monetary oltin, naqd pul, depozit, investitsiya, kreditlar, qimmatli qog’ozlar ko’rinishida bo’lishi mumkin.
MOLIYAVIY “KO’PIKLAR” – real qiymatga ega bo’lmagan pul va obligatsiyalar hajmining ko’payishi.
MOLIYASHTIRISH LIMITI – joriy moliya yili mobaynida ajratiladigan pul mablag’lari chegarasi.
MOLIYANING XALQARO ALOQALARGA TA’SIR ETUVCHI YO’NALISHI – xorijiy sarmoyadorlar mablag’larini jalb etish.
MOLIYA FUNKSIYALARI – moliya mohiyatining amalda namoyon bo’lishi. Uning taqsimlash va nazorat funksiyalari mavjud.
MOLIYANI BOSHQARISH – subyektlarning moliyaviy munosabatlarini amalga oshirish, pul oqimi fondlarini uyushtirish, taqsimlash va samarali ishlatishga oid faoliyatni bildiradi.
MOLIYA-BANK TIZIMI – tarixan shakllangan va belgilangan qonun-qoidalar asosida faoliyat yurituvchi mamlakatdagi moliya-kredit muassasalari majmuyidir.
