Category: M harfiga oid iqtisodiy ensiklopedik atamalar

MUVOZANAT NARX – talab bilan taklifni tenglashtiruvchi narx. Muvozanat narxga to’g’ri keladigan tovar miqdoriga muvozanat mahsulot miqdori deyiladi.

MUVAQQAT NARX – ayrim tovarlarga ma’lum vaqt oralig’ida amal qiladigan narx.

MUTLAQ HUQUQ – faqatgina huquq egasi tomonidan yoki uning roziligi bilan qonun hujjatlarida belgilangan tartibda uchinchi shaxsga berilishi mumkin bo’lgan mulkiy huquq.

MUTANOSIB XARAJATLAR – o’zgaruvchan xarajatlarning bir turi. Bir necha mahsulot yoki ishlar turlariga taalluqli va subyektning ishbilarmonlik faolligi o’zgarsa o’zgarib turadigan xarajatlar.

MULKIY SOLIQQA TORTISH – soliq to’lovchining mulkidan, ko’p hollarda uning kapitalidan olinadigan soliqlar tizimi. Odatda, progressiv xarakterga ega. Mulkning o’lchami (hajmi, miqdori) oshishiga qarab soliq stavkasi ham ortadi.

MULKIY HUQUQLAR – agarda firmani barpo qilish uchun ko’pchilik mulkdorlarning mablag’lari foydalaniladigan bo’lsa, bunday korxona korporatsiya deb ataladi.

MULKCHILIK SHAKLLARI – davlat, jamoa, xususiy va aralash mulklardir.

MULKCHILIK – kishilar o’rtasida ishlab chiqarish vositalariga egalik qilish va yaratilgan mahsulotni o’zlashtirish yuzasidan paydo bo’ lgan, tarixan aniq bir shaklda namoyon bo’luvchi munosabatlar.

MULK UCHUN DAROMAD – hamma sektorlarga tegishli ko’rsatkich. Har bir birlik mulk uchun daromad olishi va berishi mumkin.

MULK SUBYEKTI – jamiyatda ma’lum ijtimoiy-iqtisodiy mavqega ega bo’lgan kishilar bo’lib, ular jamoa, sinf, tabaqa yoki boshqa ijtimoiy guruhlarga birlashgan bo’ladi.