Category: M harfiga oid iqtisodiy ensiklopedik atamalar

MEROS – qonun yoki vasiyatga muvofiq merosxo’rlik asosida qabul qilinadigan mulk.

MENTALITET – ijtimoiy muhit, milliy ananalar, ma’rifatchilik darajasi va boshqa shu kabi obyektiv omillarning ta’siri ostida konkret olingan jamiyat a’zolarining individual va ijtimoiy ongi, hayotiy pozitsiyalari, madaniyati, o’zligini ifoda etishining … Read More

MEHNAT UNUMDORLIGINI OSHIRISH ZAXIRALARI (REZERVLARI) – texnika va texnologiyani takomillashtirish, ishlab chiqarish, mehnat va boshqaruvni tashkil etishni yaxshilash hisobiga mehnat unumdorligini oshirishning barcha omillaridan yanada to’laroq foydalanish imkoniyatidir.

MEHNAT SHARTNOMASI – tadbirkor va ishga kiruvchi shaxs o’rtasidagi kelishuv. Unga ko’ra xodimning mehnat vazifasi, ish joyi, lavozimi, oylik ish haqi, ish boshlash vaqti va hokazolar belgilab beriladi.

MEHNAT TAQSIMOTI – ijtimoiy mehnatning mustaqil vazifalarini bajaruvchi mehnat turlariga ajralish jarayonidan iborat. Mehnat taqsimoti yuz berganda, bir mehnat turidan ikkinchisi, ikkinchisidan uchinchisi va hokazolar ajralib chiqadi va bu jarayon … Read More

MEHNAT RESURSLARI BALANSI – mavjud mehnat resurslari va ularning faoliyat turlari hamda sohalari bo’yicha taqsimlanishini ifodalovchi ko’rsatkichlar tizimi.

MEHNAT RESURSLARI – aholining mehnatga layoqatli qismi. Erkaklarning 16 yoshdan 55 yoshgacha, ayollarning 16 yoshdan 50 yoshgacha bo’lgan qismi.

MEHNAT REDUKSIYASI – murakkab mehnatni oddiy mehnatga aylantirish demakdir.

MEHNAT MAZMUNI – ishlarning kasbiy mansubligi, ularning tarkibiy murakkabligi, bajarishdagi izchilligi bilan belgilanadigan mehnat elementlari bo’lib, xodimning mehnat predmetlari va vositalari bilan o’zaro munosabatga kirishuvidir.

MEHNAT JARAYONIDA KADRLARGA OID YANGILIKLAR – yangi texnika va mehnat turlarini o’zlashtirish, kadrlar bilan ishlashning yangi usullari, xodimlarni yangi vazifalarga ko’tarish va ularning o’rnini o’zlashtirish usullari yangi lavozim tavsifnomalari va … Read More