Category: M harfiga oid pedagogikaga oid ensiklopedik atamalar

Maktab madaniy-ma’rifiy ishlari-maktabda o’quvchilarni axloqiy-ma’naviy tarbiyalash maqsadida o’tkaziladigan tadbirlar.

Maktab kontengenti-umumiy o’rta ta’lim maktablarida tahsil olayotgan o’quvchilar soni.

Maktab kutubxonasi-o’quvchilarni zarur o’quv adabiyotlari bilan ta’minlash maqsadida, maktab huzurida tashkil etilgan kutubxona.

Maktab klublari-o’quvchilarni fan, texnika va san’at sohasidagi qiziqishlarini qondirishga mo’ljallangan yuqori sinf o’quvchilarining mustaqil uyushmasi.

Maktab “Kamalak” tashkiloti-“Kamolot” yoshlar ijtimoiy harakati tarkibida faoliyat ko’rsatadigan maktab o’quvchilarining ijtimoiy uyushmasi.

Maktab ichida maktab-asosiy o’quv yuklamasining ma’lum qismi hisobidan tashkil etiladigan kichik yoki yondosh maktablar.

Maktab islohoti-maktab tizimini qonunchilik tartibi asosida qayta qurish.

Maktab-internat-bolalar tarbiyalash, o’qitish ularning yashashlari uchun zarur narsalarni yetkazib berishga qaratilgan to’liq ravishda davlat tomonidan amalga oshiriladigan o’quv-tarbiya muassasasi.

Maktab inspektori-maktab o’quv-tarbiya ishlari yuzasidan davlat nazoratini amalga oshiruvchi tuman, viloyat xalq ta’limi bo’limi, xalq ta’limi vazirligi xodimi.

Maktab direktori-umumiy o’rta ta’lim maktablarida o’quv-tarbiya va xo’jalik ishlarini idora etuvchi rahbar.