Category: N harfiga oid qurilish atamalari

Noaniqlik – yaqinlashish, biror narsaga aniq mos kelmaslik. Masalan: ruxsat etilgan noaniqlik.

Nishonlamoq – biror voqelik munosabati bilan bayram uyushtirish, bayramni nishonlash. Masalan: tug’ilgan kunni nishonlash, mustallik kunini nishonlash.

Nishon – belgi, alomat, tamg’a.

Nuragan tuproq – tabiiy yoki antropogen omillar ta’sirida yuqori qatlami buzilgan yoki yo’qotilgan yerlar.

Nimsutun (nimustun) – devorga yondosh yarim ustun.

Nigorxona – suratxona, muzey.

Nigoriston – suratxona, muzey, naqshin tasvirlar xonasi.

Niqob – shaxsni yashirish yoki yuzni himoya qilish uchun kiyiladigan narsa (mahsulot), yuzdagi qoplama. Masalan: xavfsizlik niqobi.

Nikellash (yarqiratish) – mahsulotlarga nikel qoplamasini qo’llash orqali sirtni qayta ishlash. Qo’llaniladigan qoplamaning qalinligi odatda 1 dan 50 mkm.gacha.

Nizom – har qanday munosabatlar sohasida yoki har qanday davlat organi, korxona, muassasada faoliyatni tashkil etishni tartibga soluvchi qoidalar to’plami.