Category: P harfiga oid pedagogikaga oid ensiklopedik atamalar

Prorektor – (lotincha pro-o’rniga va rektor) – oliy o’quv yurti yoki malaka oshirish institutida rektor o’rinbosari.

Produktiv (mahsuldor) o’zlashtirish darajasi-nostandart, mahsuldor mashqlarni tezkor bajarish.

Prognoz-bo’lajak voqea yoki hodisalarning qanday kechishini, rivojlanishi va oqibatini mavjud dalillar va ma’lumotlarga asoslanib oldindan aytib berish.

Printsipiallik-nuqtai nazaridan o’z e’tiqodini qat’iy himoya qilish, qat’iy nuqtai nazarga egalik.

Printsip-muayyan nazariya, ta’limot, inson e’tiqodiga oid tayanch holat, qoida, tartib. Printsip kishilarning borliq, axloqiy me’yorlar va faoliyat munosabatini belgilab beradi.

Predmetli o’qitish metodikasi va texnologiya-muayyan o’quv predmetlari majmui asosida o’quvchilarga ta’lim-tarbiya berish metodikasi va texnologiyalari.

Predmet o’quv rejasi-bilimlarni tizimga solish va “predmet markaziga oid” ta’lim, murakkabta’’lim tizimini saqlashga qaratilgan o’quv rejasi.

Predmet-inson faoliyati va bilishi jarayonida ob’yektiv borliqdan alohida ajratib olingan yaxlit hodisa yoki tushuncha.

Preventiv pedagogika-alohida o’smir yoshidagi o’quvchilardagi cheklanishlarning oldini olish bilan shug’ullanuvchi pedagogika fani sohasi.

Praktikum-biror o’quv predmeti yuzasidan o’tkaziladigan amaliy mashg’ulotlar majmui.