Category: P harfiga oid qurilish atamalari

Pastlashtirilgan arka – ko’tarish to’sinlari oralig’ining 1/5 qismidan ½ qismigacha bo’lgan arka.

Past rostvyorka – yostig’i gruntga tayanadigan yoki yostig’i grunt ichiga joylashtirilgan rostvyorka.

Past ko’cha – ko’cha turi, nisbatan pastqam joydagi ko’cha.

Paruslar – gumbazli konstruksiyaning elementlari, ular gumbaz ostidagi kvadratli fazodan doirasimon asosli fazoga o’tishni ta’minlaydi, uning oxirgi uch qismi pastga qaratiladi. To’sin-konsolli va arka-svodli paruslar mavjud.

Parcha (bo’lak) – biror narsaning alohida qismi (uzilgan, kesilgan). Masalan: bir bo’lak cho’yan quymasi.

Parter – 1) tomosha zalida sahnada pastda joylashgan, o’rin; 2) yassi joyda joylashgan, maysazor, gulzor, favvora va shu kabilar bilan bezatilgan bog’ning ochiq qismi.

Parrakli – parraklarga ega bo’lgan yoxud parrakli qismlarga ega bo’lgan apparat, mexanizm.

Parrak (kaft, kurak, qanot) – har xil turdagi aylanuvchi apparatlar, qurilmalarning nomi. Masalan: burama parrak, muqobil qanot, cho’michsimon kurak, qor kuragi, yassi qanot, burilma kurak, qorishtirish kuragi va hokazolar.

Parmalashga oid – aylanadigan burg’ulagich bilan biror narsada teshik ochish.

Parmalash (burg’ilash) – parma va boshqa (burg’i va hokazolar) maxsus qurilmalar bilan teshik ochish jarayoni.