Category: Q harfiga oid qurilish atamalari

Qiya (qiyalama) – qiya, yonboshlagan, tik emas.

Qishloq xo’jalik yerlari – qishloq xo’jalik ehtiyojlari uchun foydalaniladigan yerlar.

Qishki terish (g’isht) – tashqi havo manfiy haroratida qorishmalarga sovuqqa qarshi qo’shimchalar yoki muzlatish usuli bilan toshli (g’ishtli) qurilmalarni tiklash.

Qishki ishlar – havo harorati manfiy bo’lgan yil davrida bajariladigan va turli hududlar uchun harorat mintaqalariga monand me’yorlanuvchi, past haroratdan himoyalash bo’yicha maxsus tadbirlar o’tkazilishini talab etuvchi qurilish ishlari.

Qistirma (qatlam) – biror narsa orasiga qo’yilgan jism. Masalan: asbest qistirma, namlik o’tkazmaydigan qatlam, suv o’tkazmaydigan qatlam, kigiz qistirma, zichlovchi qistirma, suyuqlik o’tkazmaydigan qatlam, yog’och qistirma va hokazolar.

Qismoq (zichlashga oid) – press bilan qisish, zichlash.

Qismoq (siqishga oid) – 1) mahkam siqib, har tomondan qamrab olish; mahkam yopish, siqish; 2) biron bir asbob yoki qo’l yordamida ob’yektni turli tomondan qattiq siqish; 3) o’rab olmoq, aylantirib, … Read More

Qismlarga (bo’laklarga) ajratmoq – 1) biror narsaning qismlarga ajratmoq, parchalash, buzish; 2) hamma narsani birma-bir, parcha-parcha olish.

Qismlarga ajratish (maydalash) – 1) biror narsani qismlarga ajratish; 2) mashina, apparat, bino, inshoot va hokazolarni alohida qismlarga ajratish, ularni o’rnatilgan joyidan olib tashlash. Masalan: imoratni qismlarga ajratish, qolipni qismlarga … Read More

Qismlarga ajratmoq (parchalamoq) – 1) qismlarga, tarkibiy elementlarga bo’lish; 2) bir moddani ikki yoki bir nechta yangi moddalarga parchalanishiga majburlash.