Category: S harfiga oid fuqarolik jamiyatiga oid ensiklopedik atamalar

SIYOSIY INQIROZ — mamlakatdagi yalpi norozilik va g’azab holati; siyosiy tizimning moslashishi funksiyasi bajarilmasligi bilan bog’liq barqarorlik yo’qotilishi holati.

SIYOSIY INDIFERENTLIK — jamiyat hayotida sodir bo’layotgan voqealarga siyosiy befarqlik, loqaydlik.

SIYOSIY IDENTIFIKATSIYA — u yoki bu siyosiy guruhga o’zini boshqarishdan ajratish imkonini beruvchi barqaror belgilar, xususiyatlar birligi.

SIYOSIY IDEALIZM — tarafdorlari D.Perkins, F.Tannenbaum, D.Shottuel, T.Kuk, R.Klark va boshqalar xalqaro siyosatni xalqaro huquq, axloq-odob va adolat normalari asosida amalga oshirilishini talab qiladilar. Ular uchun kollektiv xavfsizlik tizimini tashkil … Batafsil

SIYOSIY IDEAL — barkamol inson, jamiyat va boshqaruv haqidagi siyosiy qarashlar, tasavvurlar, g’oyalar tizimi. U jamiyat oldiga qo’yilgan ijtimoiy, iqtisodiy va siyosiy vazifalarni ro’yobga chiqarish yo’llarini va vositalarini aniqlash, hamda … Batafsil

SIYOSIY HOKIMIYAT SUBYEKTI — davlat va uning institutlari, siyosiy elitalar, siyosiy yetakchilar, siyosiy partiyalar kiradi.

SIYOSIY HOKIMIYAT RESURSLARI — sub‘yektning hokimiyat ob‘yektiga ta‘sirini ta‘minlovchi barcha vositalardir. Ishontirish, rag’batlantirish, qo’rqitish – sub‘yekt ob‘yektga ta‘sir ko’rsatishi mumkin bo’lgan vositalaridir.

SIYOSIY HOKIMIYAT OBYEKTI — sub‘ekt faoliyati qaratilgan individ, ijtimoiy guruh, qatlam, jamiyatdir.

SIYOSIY HOKIMIYAT — siyosiy sub‘yektlarning siyosatda ifodalangan irodasini turli yo’llar, usullar va vositalar yordamida amalga oshirish faoliyatining o’ziga xos alohida shakli.

SIYOSIY BASHORAT — boshqaruv qarorlari qabul qilishning kelgusi rivojini taxminiy bilish shakli bo’lib, unda hozirgi paytdagi voqealarning kechishiga ta‘sir ko’rsatuvchi omillar inobatga olinadi. Shuningdek, kelajakni aks ettirishning taxminiy va loyihaviy … Batafsil