Category: S harfiga oid qurilish atamalari

Siyoqalam – 1) nozik mo’yqalam; 2) naqsh, bezak shakli (chegarasi)ni nozik mo’yqalam bilan chizib chiqish.

Sizdirish maydonlari – oqova suvlar tuproqdan sizib o’tishi orqali ifloslantiruvchilardan biologik tozalash uchun mo’ljallangan (maxsus tashkil etiladigan), odatda, boshqa maqsadlarda ishlatilmaydigan hudud.

Sig’im (hajm, idish) – 1) idishning ichki hajmi, sig’imi, ya’ni uning ichiga joylashtirilgan moddaning maksimal hajmi; 2) moddani saqlash uchun ishlatiladigan narsa (idish).

Serg’ovak ganch – gipsli bog’lovchi bilan ko’pikning quruq mineralizatsiyasi natijasida olingan hajm davomida yopiq teshiklar tufayli g’ovakli tuzilishga ega bo’lgan uyali beton.

Seraftor – ilon izi shaklida takrorlanuvchi, uch band yo’lidan iborat naqsh qatori.

Ser qatlamli – ko’p qatlamdan tashkil topgan.

Siqilgan havo dvigateli – siqilgan havo energiyasini mexanik ishga aylantiruvchi energiya quvvatli mashina.

Siqib chiqaruvchi – suyuqlikni boshqa muhit bosimi bilan siqib chiqarish orqali uni yetkazib berish uchun ishlatiladigan davriy ta’sirli qurilma (apparat).

Siyraklashtirish (suyultirish) – ob’yektning zichligining pasayishi, siqilishning aksi.

Siyrat – qalin emas, zich emas.