Category: S harfiga oid qurilish atamalari

Sanobar – tanasi tik, bo’yi uzun (15-20 metr) daraxt. Me’morlikda ishlatiladigan ustunbop yog’och.

Sanoat tuguni – bir hududda joylashgan, umumiy kommunikatsiyalari, muhandislik inshootlari, yordamchi sanoat va xo’jaliklari bo’lgan hamda tegishli sharoitlarda asosiy sanoat tarmoqlari kooperatsiyasi bo’lgan korxonalar guruhi.

Sanoat transporti – sanoat korxonalari va sanoat tugunlari ichida yuklarni tashish uchun mo’ljallangan hamda jamoat transporti bilan tutashuvgacha transport aloqasini amalga oshiruvchi transport vositalari (inshootlar, uskunalar, harakat tarkibi, mexanizmlar, jihozlar) … Batafsil

Sanoat mintaqasi – sanoat korxonalari va u bilan aloqador ob’yektlar joylashgan mintaqa.

Sanoat suvi – komponent tarkibi va resurslari ushbu tarkibiy qismlarni sanoat miqyosida olish uchun yetarli bo’lgan suv (ma’danli suvlar va hokazolar).

Sanitariya-himoya mintaqasi – sanoat korxonalarini shaharlar va boshqa aholi manzillari turar-joy hududlaridan ajratib turuvchi, chegarasida bino va inshootlar joylashtirilishi, hududni obodonlashtirish sanitariya me’yorlari bilan tartibga solinadigan mintaqa.

Sanoat korxonasi – mehnat qurollari, energiya ishlab chiqarish, materiallarni qayta ishlash, xomashyo va yoqilg’i qazib olish bilan shug’ullanadigan korxonalar. Sanoat korxonalariga fabrikalar, konlar, elektr stansiyalari, kombinatlar kiradi.

Sanitariya texnikasi jihozlari – turar-joy, jamoat, sanoat binolari, aholi punktlari va sanoat korxonalarida suv ta’minoti, kanalizatsiya, issiqlik ta’minoti va boshqalar bilan bog’liq qator texnik vositalarni anglatadigan atama.

Sanitariya qo’riqlash mintaqasi – belgilangan chegarada alohida sanitariya rejimi o’rnatiladigan suv ta’minoti manbalari zaharlanishi va ifloslanishi imkoniyatini istisno etuvchi hudud va akvatoriya.

Sanitariya bo’lmasi – sanitariya-gigiyena amaliyotlari uchun mo’ljallangan joy. Odatda, sanitariya bo’lmasi deganda, odam tabiiy fiziologik ehtiyojlarini bajarib, o’zini tartibga soladigan xona tushuniladi.