Milliylik-millat ko'zgusi
Signalniye sistemi, signal tizimlari nima degani – bosh miyaga tashqi va ichak ta’sirotlar ta’sir etishi natijasida tashkil topadigan va organizmning atrof-muhitga moslashuvini ta’minlaydigan ruhiy jarayonlar, vaqtinchalik aloqalar va reaksiyalar tizimlari.
Silikoz, o’pka kasalligi nima degani – pnevmokonioz turlaridan biri; tarkibida silikatli chang zarralari bo’lgan havodan nafas olish natijasida kelib chiqadi. Ko’pincha konlarda ishlaydigan, sopol, oyna asboblarini tayyorlaydigan ishchilarda kuzatiladi.
Simpatik nerv tizimi nima degani – odam vegetativ nerv tizimining bir qismi; simpatik markazlardan, o’ng va chap chegara simpatik ustunlardan tashkil topgan bo’lib, organizm faoliyatini boshqarishda ishtirok etadi.
Simpaticheskoye vospaleniye glaz, ko’zning simpatik yallig’lanishi nima degani – bir ko’z shikastlanib yallig’langanda ikkinchi ko’zning ham unga o’xshab yallig’lanishi.
Simptomlar, belgilar nima degani – shifokor bemorni tekshirganida topiladigan va kasallikni aniqlashda hamda uning oqibatini bilishda foydalaniladigan belgilar.
Simpatomaticheskaya terapiya, simptomatik terapiya nima degani – kasallikning sababi va rivojlanish mexanizmlariga maqsadga muvofiq ta’sir qilmasdan turib, uni namoyon qiluvchi belgilari (simptomlari)ni davolash.
Simulyatsiya nima degani – hodisalar, harakatla va holatlarni soxta tasvirlashga nisbatan ishlatiladigan tushuncha. Masalan, yo’q kasallik simulyatsiyasi.
Sindrom nima degani – umumiy patogenezi bilan birlashgan simptomlar majmuasi, ayrim hollarda bu atama bilan mustaqil nozologik birliklar yoki biror bir kasallik bosqich (shakl)lari belgilanadi.
Sinergizm, birgalik nima degani – 1) a’zo va tizimlarning birgalikda va bir xilda ishlashi; 2) dori-darmonlarning qo’shilib ta’sir etishi; bunda barcha dorilarning birgalikdagi ta’siri bitta dorining alohida ta’siridan yuqori bo’lishi.
Sinesteziya nima degani – zararlangan periferik nerv tarkibidagi simptamik tolalarda og’riq ta’sirotining kuchayib ketishi; og’riqning faqat zararlangan nerv sohasiga emas, balki tananing boshqa yerlariga ham tarqalishi.
