Category: S harfiga oid tibbiyot atamalari

Sinistroversiya matki nima degani – bachadonning holati, kichik chanoqqa nisbatan uning tanasining chapga, bo’yning esa o’ngga og’ib qolishi bilan tavsiflanadi.

Sinistropozitsiya matki, bachadonning chapda joylashishi nima degani – bachadonning holati; bachadonning chanoqning o’rta chizig’idan chap tomonga siljib qolishi bilan tavsiflanadi.

Sinovial suyuqlik nima degani – bo’g’im bo’shlig’iga synovial parda ajratadigan yopishqoq suyuqlik. Bo’g’im ichidagi tog’ayni moylab turadi va oziqlantiradi.

Sinostoz nima degani – suyaklarning normada suyak to’qima bilan qo’shilib ketishi; patologiyada esa sun’iy ravishda amalga oshiriladi (ostenosintez).

Sinyuxa, ko’karib ketish nima degani – teri va shilliq pardalarning ko’kimtir tusga kirishi. Qonning kislorodga yetarli darajada to’yinmaganligi natijasida paydo bo’ladi.

Sistema, tizim nima degani – organizmning ma’lum umumiy funksiyani bajaradigan yoki umumiy funksiyani ijro etish uchun uzviy bog’langan qismlari yoki a’zolari majmuasi.

Sistola nima degani – yurak mushaklarining qisqarishi, jumladan, yurak qorinchalarining ritmik faoliyatida diastole (kengayish)dan so’ng chiqadigan qisqarishi.

Sifilis, zaxm nima degani – odamda rangsiz treponema paydo qiladigan va barcha a’zolar hamda to’qimalarni shikastlash bilan o’tadigan surunkali yuqumli kasallik.

Skarlatina, qizilcha nima degani – umumiy intoksikatsiya, angina, mayda toshmalar toshishi bilan ifodalanadigan va yiringli-septik asoratlarga moyilligi bor o’tkir yuqumli kasallik, asosan, bolalarda kuzatiladi.

Skelet nima degani – organizmning suyak qismi, ya’ni asosini tashkil qiladigan zich tuzilmalar sistemasi, tana uchun tayanch, ichki a’zolar uchun himoyachidir.