Category: Sh harfiga oid pedagogikaga oid ensiklopedik atamalar

Shaxsning umumiy xislatlari-insonning ijobiy belgilari va sifatlari.

Shahodatnomalar tanlovi-shahodatnomadagi tegishli ball asosida o’quv muassasasiga imtihon tanlovisiz qabul qilish tartibi.

Shaxsning yo’nalganligi-aniq vaziyatlardan qat’i nazar, shaxs faoliyatini yo’naltirib turuvchi qat’iy motivlar majmui.

Shaxsni shakllantirish-shaxs takomillashuvidagi o’zgarishlar, ma’naviy-axloqiy, aqliy, jismoniy rivojlanishini ifodalovchi holat.

Shaxsni tadqiq etish metodlari-inson shaxsini namoyon bo’lishini o’rganuvchi usul va metodlar majmui.

Shaxsiy gigiyena-gigiyenaning bir bo’limi; shaxsiy hayot va mehnat faoliyatida amal qilinishi zarur bo’lgan gigiyenik rejim yoli bilan odam sog’lig’ini saqlash va mustahkamlash masalalarini ishlab chiqadi.

Shaxsiyatli yondashuv-pedagogning tarbiyalanuvchiga o’z tarbiyasi va rivojlanishiga ongli yondashadigan shaxs sifatida qarashini ifodalovchi yondashuv.

Shaxsga qaratilgan testlar-shaxsning turli jihatlari (ko’rsatma, qadriyat, munosabat, hissiyotlilik, shaxslararo xususiyatlar, xulqning tipik shakllari)ni baholashga qaratilgan psixologik tashxis metodikasi.

Shaxs xususiyatlari-muayyan shaxsning boshqalardan farqli o’ziga xos xususiyat va belgilari, ularning umumiyligini ko’rsatib turuvchi jihatlari.

Shaxs faolligi-insonning olamga nisbatan faoliyatli munosabati, moddiy va ma’naviy muhitda ijtimoiy ahamiyatga molik o’zgarishlarni amalga oshirish qobiliyati, insonning ijodiy faoliyati, irodaviy holati va muloqotida namoyon bo’ladigan sifat.