Category: T harfiga oid pedagogikaga oid ensiklopedik atamalar

Tashkilotchilik qobiliyati-1) ta’lim muassasasi jamoasini uyushtira bilish, ahillik, birdamlik va hamkorlikni vujudga keltirish, jamoa a’zolarini jipslashtira olish qobiliyati; 2) o’zining shaxsiy faoliyatini to’g’ri tashkillashtira olish qobiliyatidir.

Tashkilot-shaxs, yagona umumiy maqsad asosida mehnatning darajalanishi, toifaga ajratilishi, unvonga egalik kabilarni hisobga olgan holda birgalikda faoliyat yuritish shakli.

Tafakkur-inson aqliy faoliyatining yuksak shakli; ob’yektiv voqelikning ongda aks etish jarayoni.

Tatbiqiy matematika kursi-matematikaning amaliy jihatlarini o’rgatishga qaratilgan tarkibiy qismi.

Tasodifiy pedagogik izlanish strategiyasi-strategiyani o’ziga xos uslublar, masalan, ko’rgazmali vositalar, o’qitish dasturining muayyan qismi, metodik adabiyotlar yoki boshqa o’qituvchilar tajribasidan foydalanish istagi vujudga kelganda tatbiq qilinadigan metodika.

Tasnif-umumiy belgilarga ko’ra predmet, hodisa yoki tushunchalarning guruhlar, bo’limlar va toifalar kesimida taqsimlanishi.

Tasviriy san’at xonasi-tasviriy san’at fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.

Tasviriy san’at o’quv predmeti-tasviriy san’atga oid bilim ko’nikma va malakalarni shakllantirishga qaratilgan o’quv predmeti.

Tasviriy san’at metodikasi-1) tasviriy san’at ta’limi nazariyasi hamda metodikasi bo’yicha talabalarga muayyan bilim, ko’nikma, malakalar hosil qilishga yo’naltirilgan o’quv fani; 2) tasviriy san’at o’qitish metodikasi xususiy pedagogikaning alohida tarmog’i.

Tasviriy san’at Davlat ta’lim standarti-tasviriy san’at ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talabalarni davlat tomonidan tasdiqlangan etaloni, modeli.