Category: T harfiga oid pedagogikaga oid ensiklopedik atamalar

Tarix o’qitish metodikasi-1) tarix ta’limi nazariyasi hamda metodikasi bo’yicha talablarga muayyan bilim, ko’nikma, malakalar hosil qilishga yo’naltirilgan o’quv fani; 2) tarix o’qitish metodikasi xususiy pedagogikaning alohida tarmog’i.

Tasavvur-o’quvchi va talabaning narsa va hodisalar, holatlar, voqelik, obrazlarini eslash, shuningdek ijodiy hayol surish jarayoni.

Tarixiy qiyoslash metodlari-uzoq asrlik ta’lim-tarbiyaviy jarayonlar, pedagogik fikrlar, yondashuvlar bilan zamonaviy ta’lim-tarbiya jarayonini o’zaro qiyoslab o’rganuvchi pedagogik metod.

Tarix xonasi-tarix fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.

Tarix-o’quvchilarda jamiyatning tarixiy taraqqiyoti haqida bilim, tushuncha va tasavvur hosil qiluvchi o’quv predmeti.

Tarbiyachining shaxsiy namunasi-ota-ona, o’qituvchi va boshqa obro’-e’tiborli shaxsning hayoti va faoliyati bilan bolalarga tarbiyaviy ta’sir ko’rsatish imkoniyati.

Tarbiyachi-keng ma’noda tarbiyani amalga oshiruvchi yoki tashkil etuvchi muallim, murabbiy yoki ta’lim-tarbiya jarayonini boshqaruvchi shaxs. Tor ma’noda o’quv-tarbiya muassasalarida bolalar va o’smirlar orasida tarbiyani olib boruvchi mas’ul shaxs.

Tarbiyani tashkil etish shakllari-tarbiyaviy ishlar mazmunini ifodalovchi tarbiyaviy vosita va tashkiliy usullar majmui, tarbiya jarayoni ishtirokchilarining o’zaro birgalikdagi faoliyati, aniq harakat va vaziyatlarni tashkil etish tartibi.

Tarbiyalovchi ta’lim-tarbiya elementlarini o’zida mujassamlashtirgan ta’lim jarayoni.

Tarbiyalanuvchi-tarbiyaviy ta’sir ob’yekti hisoblangan shaxs.